Wednesday, April 17, 2019

കഥയുടെ പിന്നാമ്പുറം

ഇന്ന് പെയ്തൊഴിഞ്ഞ മഴയ്ക്കും
ഇന്ന് മുളച്ച പുല്നാമ്പിനും
ഇന്ന് കണ്ട കനവിനും
ഒരേ കഥയായിരുന്നു പറയാൻ

നവ ഭാവനയുടെ പുതു മുറയുടെ
നേരിന്റെ നെറിയുടെ
അന്പിന്റെ നന്മയുടെ
കനിവിന്റെ മഴവില്ല് തീർത്ത കഥ

അവിടെ കാമ്പുള്ള നന്മ മരങ്ങൾ
സ്നേഹത്തിന്റെ കുഞരിപ്രാവുകൾ
ജാതിയോ അർത്ഥമോ തീർക്കാത്ത വരമ്പുകൾ
അനന്ത വിഹായസ്സിൽ സ്വപ്നപേടകങ്ങൾ

പ്രതീക്ഷയുടെ പൊന്കിരണങ്ങൾ
തഴുകാൻ സാന്ത്വനത്തിന്റെ മന്തമാരുതെൻ
സുഗന്ധം തൂകും പ്രേമവല്ലരികൾ
എന്റെ കഥ തുടങ്ങുകയായി നിന്റെയും..